2016-08-18

Մասնագիտացում

Հաղորդավարություն

Այսօր հեռուստատեսային եթերում ոչինչ չի կարող տեղի ունենալ առանց կադրում աշխատող գլխավոր դեմքի՝ հաղորդավարի: Սովորաբար հենց նա է իրեն բնորոշ անհատական ոճով ներկայացնում և մեկնաբանում տվյալ ծրագրում տեղ գտած բոլոր նյութերը: Այն իր մեջ պարունակում է ոչ միայն հանրաճանաչություն, այլև ինքնահաստատվելու և ստեղծագործական մեծ ունակություններ դրսևորելու հնարավորություններ:

Մոնտաժ

Մոնտաժողն այն անձն է, ում վարպետության շնորհիվ եթեր է հեռարձակվում գեղեցիկ և առանց խոտանների հաղորդում: Հենց նա է շտկում բոլոր թերությունները, հաղորդմանը տալիս դինամիկա և ուրույն ձեռագիր:

Օպերատրական արվեստ

Կադրի կոմպոզիցիա, էքսպոզիցիա, համապատկերում, հավասարակշիռ պլաններ: Սրանք այն տարրական բաներն են, որոնց պիտի տիրապետի ցանկացած օպերատոր: Նրա և ռեժիսորի անմիջական աշխատանքից է կախված հաղորդման, ֆիլմի կամ տեսահոլովակի պրոֆեսիոնալ նկարահանումը:

Հեռուստածրագրերի ռեժիսուրա

Հեռուստատեսային մասնագիտությունների մեջ իր ուրույն տեղն ունի ռեժիսորի մասնագիտությունը: Այն հեռուստատեսությունում համարվում է ամենակարևորներից մեկը: Որպես կանոն միայն խմբագիր-ռեժիսոր-օպերատոր եռյակի ճիշտ համագործակցության դեպքում է հնարավոր պատրաստել բարձրորակ ու դիտարժան հաղորդում:

Լրագրություն

Լրագրողների շնորհիվ մենք տեղեկանում ենք աշխարհում տեղի ունեցող կարևորագույն իրադարձություններին, առավելագույն հետաքրքրություններ ներկայացնող նորություններին, քաղաքական ու մշակութային կյանքի վերջին իրադարձություններին։
Ուսումնական ծրագրում ընդգրկված են անհրաժեշտ բոլոր այն առարկաները, ինչը հնարավորություն է տալիս ուսանողներին ավելի լավ ծանոթանալու հեռուստալրագրողի մասնագիտության առանձնահատկություններին:

Պրոդյուսերական աշխատանք

Պրոդյուսերը տիրապետում է մեդիադաշտի բոլոր նրբություններին և անցուդարձին: Նրա աշխատանքից է կախված թիմի համակարգումը: Յուրաքանչյուր նախագիծ պետք է ունենա իր անհատական պրոդյուսերը, որը կկարողանա համախմբել բոլորին և ապահովելով արդյունավետ աշխատանքային մթնոլորտ:

Ձայնային ռեժիսուրա

Դասընթացի ընթացքում հիմնավոր և խորն կուսումնասիրեք ձայնը՝ որպես առանձին միավոր: Ձայնային ռեժիսուրան ունի բազմաթիվ նեղ մասնագիտական ուղղվածություններ, որոնք հնարավորություն են տալիս մասնագիտությունը կիրառել բազմաթիվ ոլորտներում: Հնչյունային ռեժիսորը կինոնկարահանող խմբի ստեղծագործական հիմնական կազմի անդամներից է: Սցենարիստի և բեմադրող ռեժիսորի ընդհանուր մտահղացմանը համապատասխան իրականացնում է կինոնկարի հնչյունային ձևավորումը։ Պատասխանատու է ֆիլմի հնչունության գեղարվեստական ու տեխնիկական որակի համար։ Գրառում է դերասանների փորձնական ձայնը, ստուգում միջավայրի, դեկորների հնչականության պայմանները, մասնակցում միզանսցենների մշակմանը, անցկացնում համաժամանկյա ձայնագրում, մոնտաժի ժամանակ՝ ընտրում ձայնագրված նյութը։

Սպորտային մեկնաբան

Սպորտն այսօր աշխարհի ամենամասշտաբային երևույթներից մեկն է։ Մարզական անցուդարձին հետևում են հարյուր միլիոնավոր մարդիկ։ Հետևաբար ավելի ու ավելի է կարևորվում մարզական իրադարձությունները ներկայացնող մարդու՝ մեկնաբանի դերը։ Նրա պրոֆեսիոնալ, գրագետ և բարեհունչ խոսքն ավելի հետաքրքիր են դարձնում դիտումը։

PR, գովազդ, մարքեթինգ (մեդիակոմերցիա)

Ցանկանո՞ւմ եք ձեռք բերել գովազդային արշավների վաճառքի և իրականացման համար անհրաժեշտ գիտելիքներ, մշակել PR ռազմավարություններ, իմանալ մեդիայի լեզուն և օրենքները, ծանոթանալ գովազդային գործիքներին և ծրագրերին, կառավարել սոցցանցային էջեր, զարգացնել ստրատեգիկ մտածելակերպ և անսահմանափակ կրեատիվ։ Ուրեմն գրանցվեք այս դասընթացին:

Մեդիա կոմերցիա

Մեդիա կոմերցիա դասընթացի շրջանակում կսովորեցնենք.

–           Ինչպես պլանավորել և բաշխել գովազդային բյուջեն տարատեսակ լրատվամիջոցների /հեռուստատեսություն, ռադիո, ինտերնետ, սոցցանցեր և այլն/ միջև առավելագույն արդյունք ապահովելու համար:

–           Կքննարկենք  մարքեթինգային (գովազդային, PR, թվային և SMM արշավների) խնդիրներն ու նպատակները, գնահատման չափանիշները, ավանդական և նոր մեդիաների հնարավորությունները, առանձնահատկությունները, առավելություններն ու թերությունները, մեդիա վաճառքների տարբերակները և պայմանները:

–           Կբացահայտենք, թե ինչով է PR-ը տարբերվում գովազդից: Կներկայացվեն PR-ի տեսակները, կիրառվող տեխնոլոգիանները, գործիքները և հաջող ռազմավարություն կազմելու գաղտնիքները:

–           Կծանոթանանք դիջիթալ մեդիա գովազդի տարատեսակներին և տարբերություններին, վաճառքի մոդելներին, օգտագործվող գործիքներին և կայքերի մոնետիզացիային:

–           Կբացահայտենք թվային մարքեթինգի գործիքներն ու առանձնահատկությունները, մարքեթինգային արշավների մշակման և իրականացման գործընթացները:

–           Կծանոթանանք SMM մասնագետի հմտություններին՝ ինչպես Facebook-ում արդյունավետ հրապարակումներ անել, Instagram-ում 3K+ հետևորդներ ունենալ և Twitter-ում արդյունավետ «ծլվլալ»:

Սցենարական աշխատանք

Եթե հաղորդման կամ ֆիլմի սցենարը լավն է, ուրեմն այդ նախագիծը կունենա գլխապտույտ հաջողություն: Ցանկացած մեդիաարտադրանքի հիմքում լավ մշակված սցենարն է: Կադրի գեղեցիկ կոմպոզիցիան և ռեժիսորական փայլուն աշխատանքը խամրում են այն պահին, երբ սցենարիստը չի կարողանում մատուցել նորը, տարբերվողը և չկրկնվողը: Լավ սցենար – հաջողված նախագիծ:

Երգարվեստի ստուդիա

Դասընթացի շրջանակում կուսուցանենք էստրադային երգ, բեմական կեցվածք, վոկալային տեխնիկա և ճիշտ շնչառության գաղտնիքները:  Ինչպես գիտենք, երգի հաջողությունը կախված է նյութը ճիշտ փոխանցելուց: Յուրաքանչյուր երգն իր տրամադրությունն ու գույնն ունի, որն առաջանում է մեղեդու, տեքստի և կատարողականության արդյունքում: Ամեն ժանրը երգային յուրովի մոտեցում է պահանջում, կախված՝  կատարողի ձեռագրից և կատարողական ոճից: Այժմ դժվար է զարմացնել միայն ձայնային տվյալներով, քանզի պերֆորմանսի ոլորտի հնարավորություններն անսահման են: Կատարողի կերպարը բեմում ձեւավորվում է իր իսկ կեցվածքից՝ ճիշտ պահին ճիշտ էմոցիայով, շարժուձևով, միմիկայով կամ ձայնարձակմամբ: Տպավորիչ և հաջողված ելույթն ապահովված է, եթե կատարողի կեցվածքն ու երգը բեմում ամբողջություն են դառնում:

Հեռուստատեսային դիմահարդարում

Դասընթացի շրջանակում կուսուցանենք հեռուստատեսային, թատերական  և կինոյի դիմահարդարման հիմունքները, ցերեկային, երեկոյան, տոնական և բնական դիմահարդարման տեսակները,  անհրաժեշտ նյութերի, գործիքների և աքսեսուարների ճիշտ ընտրության հմտությունները: Ինչպես նաև միասին կբացահայտենք կինո-դիմահարդարմանը հատուկ  փամփուշտի վնասվածք, քերծվածք, կտրվածք ստանալու գաղտնիքները:  Մեր դասախոսները հեռուստատեսային նախագծերի, շոու-բիզնեսի ոլորտում մեծ փորձ ունեցող մասնագետներ են:  Տեսական և գործնական դասընթացների արդյունքում ուսանողները կկարողանան հավաքել մասնագիտական պորտֆոլիո, որը կօգնի հետագա աշխատանքում:

Դերասանական արվեստ